ԻՆՉՊԵ՞Ս ԱՆՑԿԱՑՆԵԼ ՀԱՆԳՍՏՅԱՆ ՕՐԵՐԸ ԵՐԵՎԱՆՈՒՄ
Երևանը զարմանալի քաղաք է: Այստեղ յուրաքանչյուրը իրեն զգում է երկու՝ հին արևելյան և ժամանակակից եվրոպական քաղաքակրթությունների հանգույցում։ Իսկ ո՞ւր գնալ հանգստյան օրերին կամ ինչպե՞ս անցկացնել հանգստյան օրերը. հենց այս մասին ենք խոսելու այս հոդվածում:
Էական չէ՝ դուք շքեղ հյուրանոցում եք տեղավորվել, թե սովորական բնակարանում. քաղաքի հին փողոցներով զբոսնելիս ձեզ կհիացնեն հին ճարտարապետական կառույցները… և ձեզնից յուրաքանչյուրը կարող է մտովի տեղափոխվել անցյալ ու զգալ պատմության ոգին:
Ինչո՞վ է հետաքրքրական Երևանը
Հայաստանի մայրաքաղաքը հաճախ անվանում են վարդագույն քաղաք, քանի որ շատ տների ու շինությունների պատերը շարված են տեղական հրաբխային ծագման վարդագույն քարով, որ կոչվում է տուֆ։ Ճարտարապետության մեջ նման նուրբ գունային երանգները քաղաքին ջերմություն և հարմարավետություն են հաղորդում։ Այստեղ ոչ ոք չի ձանձրանա։
Երևանի ուշագրավ տեսարժան վայրերը
Սկսելով քաղաքի կենտրոնից՝ քայլեք դեպի Հանրապետության հրապարակ, հիացեք վարդագույն քարի հիասքանչ ճարտարապետական կառույցներով: Հրապարակ այցելելու համար ավելի հարմար են առավոտյան ժամերը, որպեսզի կարողանաք հանգիստ և մանրամասն ուսումնասիրել տարածքը, զգալ պատմության և խաղաղության ոգին:
Հրապարակ այցելելուց հետո կարող եք շարժվել դեպի Օպերայի և բալետի ազգային թատրոնի շենք (Թումանյան փողոց): Քայլելը շատ ժամանակ չի խլի, առավելագույնը 15 րոպե։ Ճանապարհին դուք հնարավորություն կունենաք հիանալ Երևանի գեղեցիկ փողոցներով։
Այնուհետեւ արժե այցելել Սուրբ Գրիգոր Լուսավորիչ եկեղեցի։ Կարող եք գնալ ոտքով կամ տաքսիով։
Խնդրեք տաքսու վարորդին (քաղաքային տրանսպորտն այս ուղղությամբ այդքան էլ հարմար չի լինի, հատկապես ծանրաբեռնված ժամերին) ձեզ տանել Երևանի կոնյակի գործարան։ Այն գտնվում է Իսակովի պողոտա 2 հասցեում: Այնտեղ դուք կունենաք անմոռանալի հետաքրքիր տուր: Այս շրջայցի ընթացքում դուք հնարավորություն կունենաք համտեսելու տեղական գինու արտադրանքը: Շրջայցից հետո բոլոր ցանկացողները կարող են գործարանի տարածքում գտնվող տեղական խանութից ձեռք բերել ալկոհոլային խմիչքների հավաքածուներ և հուշանվեր-շշեր։
Հաշվի առնելով Երևանում գտնվող տեսարժան վայրերի մեծ բազմազանությունը՝ մենք կարծում ենք, որ առավել նպատակահարմար է շրջագայության գնալ Fun Travel Armenia-ի պրոֆեսիոնալ զբոսավարների հետ։ Նրանք գրագետ կերպով կպլանավորեն ձեր ժամանցը և կկենտրոնանան հանգստյան օրերին քաղաքում շրջագայելու հիմնական կետերի վրա:
