Բացահայտեք Հայաստանը FunTravel-ի հետ

Իսրայել

ԻՍՐԱՅԵԼ

ՕՐ 1

Ժամանում Թել-Ավիվ՝ Բեն Գուրիոն օդանավակայան: Ուղևորություն Երուսաղեմ՝ երեք կրոնների սրբավայր: Երուսաղեմում կարող եք տեսնել ինչպես նոր, այնպես էլ հին քաղաքի տեսարանները (հրեական, քրիստոնեական և հայկական թաղամասեր): Հայկական թաղամասը գտնվում է Հին քաղաքի հարավ-արևմտյան հատվածում և զբաղեցնում է Հին քաղաքի տարածքի մեկ վեցերորդը։

ՕՐ 2

Այցելություն Սբ. Հարության Տաճար, խոնարհում Հիսուս Քրիստոսի Սուրբ Գերեզմանին: Այցելություն Գողգոթա, որտեղ, ըստ Ավետարանի, խաչվել է Քրիստոսը։ Այցելում եք նաև Պատանատեղի, Աստվածամոր ուշաթափման վայր, ինչպես նաև մասնակցություն հայոց թափորին և Սբ. Պատարագին՝ Հիսուսի Գերեզմանի վրա, ապա այց Վիա-Դոլորոսա և Խաչի ճանապարհ: Ուղևորություն Ձիթենիների Պուրակ, որտեղ Հուդան մատնեց Քրիստոսին: Այցելություն Գեթսեմանի այգի, Աշխարհի ժողովուրդների եկեղեցի:

ՕՐ 3

Նախաճաշ հյուրանոցում: Երուսաղեմ – այցելություն Հայ առաքելական եկեղեցու Երուսաղեմի պատրիարքարան, էքսկուրսիա հայ հոգևորականի առաջնորդությամբ: Այցելություն դեպի Սիոն՝ Սբ. Հակոբյանց մայրավանք, Սրբոց Հրեշտակապետաց վանք, Սբ. Փրկիչ վանք, Վերնատուն, Աստվածամոր ննջման եկեղեցի (Դոռմիսիոն՝ dormission), Սբ. Պետրոսի Ուրացման եկեղեցի, Դավիթ թագավորի գերեզման: Այնուհետ կքայլեք Քրիստոսի անցած ճանապարով, կայցելեք Հիսուսի Սուրբ Գերեզմանատուն և Լացի պատ:

ՕՐ 4

Նախաճաշ հյուրանոցում: Ուղևորություն դեպի Քրիստոսի ծննդավայր՝ Բեթղեհեմ, որը մեծությամբ երկրորդ խոշոր քաղաքն է: Այցելություն Սուրբ Ծննդյան տաճար, մասնակցություն Սբ. Պատարագին: Սուրբ Ծննդյան տաճարը կառուցված է այն վայրի վրա, ուր ծնվեց Հիսուսը։ Բուն այրի մեջ է գտնվում Հիսուսի ծնված տեղը եւ մսուրը։ Այց Կաթի քարայր, որտեղ Աստվածամայրը կերակրել է Հիսուսին: Այցելություն Մեռյալ ծով, վայր, որը պատմականորեն հանդիսանում է Սոդոմ-Գոմոր քաղաքների տեղը: Համարվում է աշխարհի ամենաաղի լիճը: Կոչվում է Մեռյալ ծով, քանի որ այնտեղ կենդանություն չկա: Հանգիստ Մեռյալ ծովի ափին: Այստեղ է գտնվում աշխարհի ամենամեծ բնական սպա-կենտրոնը որտեղ կարող եք հանգստանալ տաք ջրերում, վայելել կոսմետիկ ցեխի (դիմակ) լոգանքները ու ստանալ հանքային բուժում: Վերադարձ հյուրանոց:

ՕՐ 5

Նախաճաշ հյուրանոցում: Ուղևորություն Գալիլեա: Ճանապարհին այցելություն Նազարեթ, որտեղ անցել է Քրիստոսի մանկությունը և որտեղ Գաբրիել հրեշտակը ավետեց Աստծո որդու ծնունդը: Ուղևորություն Հորդանան գետ: Հորդանանը քրիստոնյաների համար Սուրբ գետ է, քանի որ այդտեղ է մկրտվել Հիսուս Քրիստոսը: Ավետարաններում այն հանդես է գալիս որպես վայր, ուր Հովհաննես Մկրտիչը մեղքերի թողություն տալու համար մկրտում էր Երուսաղեմից և Հրեաստանից եկող բոլոր մարդկանց։ Ժամանում Գալիլեա: Տեղավորում հյուրանոցում:

ՕՐ 6

Շրջագայություն Հիսուսի սրբավայրերով, նավարկություն Գալիլեա ծովի վրա՝ Հիսուսի նավակով: Այցելություն Պետրոսի ձկան եկեղեցի, 5000-ի կերակրման եկեղեցի, Տաբղա, Կափառնայում: Ուղևորություն Թել Ավիվ: Ճանապարհին այցելություն Հայֆա: Հայֆա – անունը ծագել է այդ տարածաշրջանում վաղ տարածված արամեական լեզվից, որով «հաֆֆա» նշանակում է ուղղակի «ափ»: Հայֆան տարածվում է Կարմել լեռան լանջերին և ավելի քան 3000 տարվա պատմություն ունի։ Խաչակիրները քաղաքի անունը կապում էին առաջին քահանա Կայիֆայի անվան հետ, որի ժամանակ Հիսուս Քրիստոսը խաչվել էր։

ՕՐ 7

Այց Յաֆֆա, Հոպպե, Սբ. Նիկողայոսի hայկական վանք: Այցելություն Յաֆֆա ադամադների թանգարան, որտեղ դուք հնարավորություն կունենաք ձեռք բերելու հետաքրքիր ադամանդյա զարդեր՝ զեղչված գներով: Ուղևորություն Բեն Գուրիոն օդանավակայան: Ճանապարհին այցելություն Լոդ՝ Սուրբ Գևորգի վանք, խոնարհում քաջ զորավարի դամբարան-գերեզմանին: Ժամանում օդանավակայան: Թռիչք:

Ամրագրեք Ձեր արկածն այսօր

Հավելյալ տեղեկատվություն

Հայերեն

Իսրայել
Comments are closed.
Call Now Button