Հունաստան

Ինչ-որ ժամանակ Հունաստանը Բյուզանդական կայսրության մաս էր կազմում:

Հույները հիշում են այդ մասին, եւ շատ ճարտարապետական հուշարձանների վրա կարելի է տեսնել միանգամից երկու դրոշներ՝ հունական եւ բյուզանդական:

Հունական քաղաքներում քիչ են բարձրահարկ շենքերը: Սովորաբար այնտեղ կառուցում են 3-5 հարկանի շենքեր:

Հունաստանը երկիր է, որտեղ չեն գրանցում աշխարհիկ ամուսնությունները: Ընտանիքի ինստիտուտը այստեղ ամբողջությամբ ուղղափառ եկեղեցու վերահսկողության տակ է: Եթե զույգը նշանադրվել է եկեղեցում, ապա պետությունը ինքնաբերաբար կճանաչի նրանց ամուսնությունը օրինական:

Կինը չի կարող վերցնել իր ամուսնու ազգանունը, այդ պատճառով էլ ողջ կյանքը օգտագործում է սեփականը: Իսկ երեխաները կարող են ունենալ և հոր, և մոր ազգանունը, ինչպես ծնողները կցանկանան:

Հույները շատ են սիրում սուրճ: Նույնիսկ աշխատանքային ամենաթեժ ժամին աշխատանքով ամենածանրաբեռնված հույնն էլ կգտնի ժամանակ մի բաժակ սուրճ խմելու համար:

Հունաստանի ափերն են ողողում 5 ծով՝ Եգեյան, Միջերկրական, Հոնիական, Ֆրակիական և Կրետեական: Ֆրակիական ծովը մտնում է Եգեյանի մեջ, իսկ Կրետեական ծովը՝ Միջերկրականի:

Երբ է ավելի լավ հանգստանալ Հունաստանում

Հունաստանը այն զարմանալի երկրներից է, որտեղ հանգստի սեզոնը տևում է կլոր տարի: Ուղեգիր ընտրելիս, առաջին հերթին, անհրաժեշտ է հստակ իմանալ Ձեր այցելության նպատակը: Ձմռանը Հունաստանում կարելի է հրաշալի անցկացնել ամանորյա տոները, մասնակցել ավանդական փառատոններին, այցելել լեռնադահուկային կուրորտներ, ինչպես նաև թանգարաններ ու այլ տեսարժան վայրեր: Ծովափնյա հանգստի սեզոնը Հունաստանում (Կրետե, Ռոդոս) սկսվում է ապրիլի վերջից և շարունակվում է մինչև նոյեմբերի սկիզբ: Հանգստի համար ավանդական ակտիվ սեզոնը համընկնում է հուլիս և օգոստոս ամիսներին, և փաթեթների գները այդ ընթացքում համեմատաբար բարձր են: